6 de junio de 2022, 11:41
Unhas vintecinco persoas acompañaron a Luís Carrón Barbosa no «Paseo pola historia» que este domingo protagonizou Petín e a Guerra da Independencia na comarca. Esta actividade organizada pola Oficina de Turismo da Rúa aproveitou a conmemoración que se fai na vila petinesa da Constitución de 1812 coa feira que leva o seu nome.
Destacouse o valor e coraxe das mulleres petinesas para frear o avance das tropas napoleónicas e o papel importante que tiveron para botalos da súa terra.
A Ponte da Cigarrosa foi o punto de saída da camiñada cultural que percorreu as rúas ancestrais, cargadas de historia, e o casco vello petinés para rematar cunha cata de viños de Adega da Pinguela e unhas empanadas da panadería do Querol de Petín.
