Os restaurantes do Barco e arredores tamén protagonistas na Festa do Botelo

O pavillón de Calabagueiros quedouse pequeno, na comida organizada polo Concello do Barco con motivo da Festa do Botelo, iso non impediu que máis de 400 persoas puidesen desfrutar do prato rei da gastronomía barquense nos establecementos hotaleiros do Barco e arredores, unha alternativa máis que suxerente..

Dezaoito restaurantes e casas de comidas participan, desde onte e até o 19 de febreiro, nas segundas Xornadas gastronómicas do Botelo e Cocido Valdeorrés. Os establecementos hostaleiros que inclúen estas dúas comidas non só están localizados no Barco, tamén no Castro, en Arcos, Valdegodos e Sobradelo, pode desfrutarse de tan saboroso manxar.

Desde os 18 euros do menú máis económico aos 35 do máis caro, hai gran variedade de prezos e tamén de  menús, iso si o botelo e o protagonista indiscutible.

Algúns menús incorporan sopa ou consomé para ir abrindo boca e logo xa verzas ou repolo con patacas, nalgúns os grelos aportan a parte verde do menú. Non faltan as patacas aos que uns restaurantes lle engaden os garavanzos e outros até acompañan con chourizos.

Na sobremesa non faltan os doces e os licores acompañando ao café. A maioría dos establecementos apostan polas filloas recheas e o leite fritido aínda que hai variedade dabondo.

Os restaurantes máis innovadores como Alpha Raices, presentan o menú de xeito novidoso incorporando o embutido a pratos elaborados doutra maneira.

Se o botelo ten variantes nin que dicir ten do cocido valdeorrés: lacón, androlla, touciño, soña, orella, rabo, pata, morro... , e todo o que sexa comestible do porco que como ben sabedes cómeselle todo. Os garavanzos a verdura e as patacas, así como unha boa sopa de cocido non faltan neste menú tamén da terra.

Esta é a relación de establecementos hostaleiros que participan nestas segundas xornadas gastronómicas, un dos tres eventos enogastronómicos organizados polo concello entre xaneiro e febreiro, son: Agarimo (681903653), Alpha Raíces, Asador Viloira, Calzada, Casa Galaica (988347235), Casa Lameiro, El Dorado, Fernando III (988320371), Las Recetas de la Abuela (615421466), Mesón do Lar, Mesón Isla, Mesón Museo, Paladium, Paradelo, Pazo do Castro (988347423/650492654), Piquiño (988682349), Principal (629542195) e San Mauro(988321128).