miércoles. 19.06.2024
somoscomarca_obarco_presentacion_xornadasgastronomicas_botelo
Presentadas no Barco as xornadas do gastronómicas, «terceiro gran evento enogastronómico do inverno»

Desde o Concello do Barco propuxéronse encher con eventos gastronómicos o tempo que vai desde Reis até o Entroido. Á Ruta de pinchos «O Barco vai de Viños», estreada onte e que se alonga até a véspera da Festa do Botelo, súmase a das «II Xornadas gastronómicas do botelo e cocido valdeorrés» que rematarán en tempo de Entroido, o 19 de febreiro.

Eladio Santos, concelleiro de Turismo e promoción Económica» sinalaba na presentación destas xornadas que «é o terceiro gran evento gastronómico do inverno enogastronómico do Barco». Puxéronse en marcha o pasado ano en «ausencia obrigada da Festa do botelo»,  e segundo o concelleiro «funcionou ben». Os restaurantes quedaron contentos, despacháronse moitas racións de cocido e botelo, así no lo deixaron claro e de feito todos os que participaron o ano pasado repiten este, e incluso algún máis», subliñou.

Son 18 restaurantes do Barco e de fora do concello os que servirán entre o 21 de xaneiro e o 19 de febreiro cocido valdeorrés e botelo. «Enlaza despois de Reis a ruta dos pinchos, a Festa do Botelo e as xornadas, eventos gastronómicos entre Nadal e Entroido», declarou Santos.

somoscomarca_obarco_presentacion_xornadasgastronomicas_botelo

Ademais dos restaurantes, bares e casas de  comida do Barco uníronse outros de Concello limítrofes. Hai un restaurante en Sobradelo e dous de Vilamartín que servirán cocido e botelo ese período.

Recordou o concelleiro que os que se queden sen sitio no pavillón poden ir aos restaurantes que «é o que nos interesa a nos, á economía e dinamizar un pouco a hostaleira». Sinala que o sábado 21, en torno a 2200 persoas estarán comendo botelo no Barco ademais dos que o coma nas súas casa.

Consolidada a Festa do botelo «é importante que estes eventos gastronómicos se prolonguen no tempo e que non só sexa a festa senón que se continúe atendendo a demanda do botelo».  Tamén haberá degustacións e catas de viño de Valdeorras.

Vigo e A Coruña terán Festa do Botelo

A concelleira de Cultura, Margarida Pizcueta, presente no acto subliñou, «parécenos importante que as xornadas o pasado ano foran un éxito e que os restaurantes estiveran dispostos a repetir porque é unha maneira de alongala no tempo». E fixo fincapé en que a Festa do Botelo tamén se fai na Coruña e en Vigo.

Agradeceulle aos establecementos hostaleiros a súa implicación e animou aos que quedan sen participar que aínda están a tempo de facelo. «Parabéns aos restaurantes por participar e se algún queda así que se animen aínda están a tempo.

Presentadas no Barco as xornadas gastronómicas, «terceiro gran evento enogastronómico...