Na mañá deste sábado 26 de xullo, a VilCasa Grande de Viloira converteuse no escenario dun emotivo homenaxe dedicado a Ignacio Vilar, cineasta nacido en Castrofolla (Petín), en recoñecemento á súa destacada traxectoria e contribución á cultura galega. A cerimonia contou coa presenza de autoridades, amigos, familiares e figuras relevantes do mundo do cine e da cultura, entre elas o delegado da Xunta en Ourense, Manuel Pardo, Aurelio Blanco Trincado, presidente do Instituto de Estudos Valdeorreses (IEV), Julio Pérez, bibliotecario e membro da directiva do IEV, así como actores de Pradolongo, Rubén Riós e Roberto Porto.
O acto comezou coa entrada en sala de Manuel Porto Oliveira, sobriño do pintor, escritor e poeta Xosé Porto García "Yosso", gaiteiro e compositor, quen interpretou unha peza musical coa gaita, dando inicio a un evento cargado de simbolismo e tradición. A sala, chea de amigos, familiares e público en xeral, foi testemuña dun acto que transcendiu o formal para converterse nun espazo de recoñecemento sincero e afectuoso.
Aurelio Blanco Trincado abriu as intervencións lembrando a importancia da cultura e a educación, recoñecemento especial ao delegado da Xunta en Ourense e á administración que representa, pola súa colaboración activa na cesión de locais e loxística para transportar fondos bibliográficos desde Vigo ao O Barco. Este esforzo permitiu recibir unha importante achega documental do recoñecido director de cine valdeorrés Ignacio Vilar. Destacou a magnitude da doazón de libros, películas, carteis e partituras, que conforman unha biblioteca que xa supera os mil cen libros e catorcecentas películas, un patrimonio cultural inestimable que será custodiado con respecto e cariño. Por iso, como mostra de agradecemento, instalarase unha placa artesanal, elaborada en madeira de carballo da zona, procedente de podas, reafirmando o compromiso ecolóxico.
O delegado da Xunta, Manuel Pardo, expresou a súa emoción e resaltou a importancia de recoñecer en vida a figuras como Ignacio Vilar, cuxo traballo puxo en valor a cultura galega e a súa lingua. Na súa intervención, lembrou anécdotas persoais e a beleza do paisaxe galego, evocando a conexión profunda entre a terra, a cultura e o cine. Pardo subliñou que estes homenaxes son unha forma de fortalecer a identidade e o orgullo de Galicia, e de valorar a quen dedica a súa vida a enriquecela.
Por outra banda, Jesús Manuel García, encargado de presentar a Ignacio Vilar, fixo un percorrido pola súa biografía, destacando a súa infancia en Castrofolla, o paso por Barcelona e o seu regreso a Galicia para fundar Vía Láctea Filmes. Resaltou os seus logros, como a película Esmorga, baseada na novela de Eduardo Blanco Amor, que foi un fito no cine galego, e o seu recoñecemento internacional con premios e nomeamentos, incluíndo un Goya.
Ignacio Vilar, visiblemente emocionado, tomou a palabra para agradecer a todos os presentes e a quen contribuíron á súa carreira e á cultura galega en xeral. Lembrou as súas raíces en Castrofolla, as historias contadas na lareira, e como esas vivencias e tradicións foron a base da súa obra cinematográfica. Destacou a importancia da cultura, os libros e as películas como vehículos de memoria, identidade e amor por Galicia.
O acto tamén contou coa participación de actores de Pradolongo, que compartiron anécdotas e sentimentos sobre a obra e a influencia do cine na vida cotiá. A xornada rematou con palabras de agradecemento e recoñecemento a toda a xente que fai posible manter viva a cultura galega, así como coa lectura de versos e reflexións que resaltaron o valor da memoria e a pertenza.
O delegado da Xunta pechou o acto cun mensaxe de esperanza e compromiso, lembrando que Galicia vive nas súas tradicións, na súa lingua e nas súas historias, e que homenaxear a figuras como Ignacio Vilar é fortalecer esa identidade. Rematou evocando a beleza do paisaxe galego, as súas carballeiras e a súa historia, como símbolos dun pobo que nunca esquece as súas raíces.
