O CEIP Condesa de Fenosa ten moitos frentes abertos neste curso que acaba de comezar. Un dos máis destacados, segundo conta o director Paco Pérez, é o reto da educación por proxectos, “que parta dos intereses dos chavales, é dicir, se lles gustan os dinosaurios, pois facemos un proxecto sobre dinosaurios, e dende él se traballan todas as outras materias, matemáticas, historia, bioloxía, etc.”. Desta forma conseguimos que o rapaz esté emocionado co que está investigando, así é cando realmente aprende”, puntualiza.
Esta nova forma de ensino basada no desenrolo do talento é a proposta do plan piloto de formación de profesorado PITEAS basado na metodoloxía SEM (en inglés, Schoolwide Enrichment Model) que pretende cambiar a forma de aprender en Galicia. O colexio Condesa de Fenosa foi un dos centros propostos para formar parte deste plan, feito do que están tremendamente orgullosos “porque é un recoñecemento á cantidade de proxectos que se fan no centro”.
Outro dos aspectos importantes é a difusión que se fai dos proxectos, “os rapaces teñen que ver que hai un producto final e un resultado; esa é a filosofía do enriquecemento curricular”. Para elo teñen unha páxina web moi traballada, onde se expoñen todas as cousas que fan no centro".
Inmersos nunha reforma integral da súa coñecida biblioteca, queren agora reconvertila nun centro de recursos de documentación e de investigación. Explica Xoaquín, xefe de estudios, que o obxectivo é “facer a biblioteca máis inclusiva, con indicacións para saber as temáticas dos libros e que calquera que veña poda identificalos e ter un acceso máis autónomo”. Ademáis, o seu fin é que “os alumnos estén preparados para sair a calqueira biblioteca do mundo e non perderse nela”.
As novas tecnoloxías tamén forman parte da reforma “temos unha pizarra dixital, estamos á espera de recibir unha pantalla 'multitouch' para o traballo cooperativo, temos un panel de Lego para crear deseños e estamos no proxecto Escornabots na biblioteca escolar”, no que os robots son os protagonistas.
Veñen de facer ademáis unha grande espurga de exemplares antiguos, “dos que estaban máis usados, tiñamos 16.000 exemplares e agora quedámonos con 12.000. Os que estaban peor os eliminamos porque tamén queremos que os libros sexan un atractivo para os nenos”.
E vaia que si son un atractivo, así o transmiten Alex, Miguel, Xián e Manuel, nenos de 3º de primaria que lles encanta ir á biblioteca a ler libros de ordenadores e de dinosaurios.
O Barco de Valdeorras16.3 °Cnubes
