Na actualidade estímase que arredor de 2000 millóns de persoas padecen caries en dentes permanentes, mentres que 514 millóns de nenos sofren de caries nos dentes de leite.
Co fin de concienciar os máis pequenos da casa creouse o taller "Mira que Boca" enfocado principalmente no alumnado de cuarto de primaria e segundo de secundaria.
Yolanda Fernández, hixienista bucodental do Barco e da Rúa, é a encargada de impartir estes cursos para os máis pequenos, de feito está na súa recta final.
O pasado sete de xuño acudía ao colexio da Veiga, para poder ensinarlle o alumnado a importancia de un bo cepillado. Para rematar, acudirá ao colexio de Trives o 14 de xuño e o 19 estará en Manzaneda, rematando así estas xornadas.
O curso seguinte, espera poder retomar a actividade de educación sanitaria nos centros educativos. A hixienista ponse a disposición das ANPAS por «se queren algunha charla de saúde bucodental», asegura Yolanda Fernández.
