Aperta Academia ven de abrir as súas portas, este venres 6 de outubro no número 20 da rúa Miguel de Cervantes no municipio rues. Ao fronte Sonia Garrido, docente con dobre titulación en Maxisterio e Pedagoxía.
Acompañada pola súa familia, amigos e, tamén xa por algún alumno Sonia celebra este primeiro día con moita ilusión e é que volver á docencia é o que a motiva e realmente lle gusta.
«Abrina porque a min sempre me gustou traballar con rapaces. Levo moitos anos dedicándome a elo, estiven 6 anos nun centro de menores e despois por cousas da vida empece, así que decidinme a aventura a traballar noutro ámbito e botábao de menos e foi o momento de facelo a miña maneira», conta.
O nome é o mesmo que tiña a tenda de discos que había nos anos setenta no mesmo lugar. Como conta Sonia: «O nome ven de aí. Falei co dono que foi o que me ensinou o local e gustoume o nome e contoume a historia e quedoulle, Aperta». Decidiu ubicala na Rúa porque na Rúa porque «non había esta opción» e a casualidade fixo todo o demais.
Impartirá obradoiros de inglés para infantil con xogos de iteración, obradoiros, recursos audiovisuais e contacontos. O reforzo educativo para educación primaria e secundaria será outro dos piares da academia.
Os grupos serán reducidos—cinco ou seis rapaces por hora— e a atención personalizada e empregarase as TICs e a aprendizaxe será creativa. Aperta Academia está na rúa Miguel de Cervantes número 20, da Rúa. O teléfono de contacto é 614 10 37 64.
Se queres ver e escoitar a conversa con Sonia Garrido o día da inauguración, está no seguinte vídeo:
