«Viva o godello, viva Valdeorras». Así concluía o alcalde do Barco, Alfredo García, a súa intervención na inauguración da XXV Feira do Viño de Valdeorras. Bromeaba o rexedor sumándose ás palabras ditas polas autoridades que lle precederon, porque «o bo de ser o último é que case dixeron todo».
Espazo destacado na súa intervención para agradecer ao «presidente do Consello Regulador e a todos os adegueiros pola elección que fixeron do pregoeiro deste ano»: o xornalista Xabier Fortes. E fíxoo tamén dirixíndose directamente a el. «Eres unha persoa respetada, querida e admirada na súa profesión e é un orgullo e un placer que estés aquí, disfrutando e bebendo Valdeorras e sobre todo, do godello».
Precisamente sobre esta uva «que é de Valdeorras» versou o resto do seu discurso. Entre risas destacaba que Xabier Fortes «é de Pontevedra, polo que o seu corazón tirará polas Rías Baixas, pero aínda que todos din que teñen o mellor godello, o godello é de Valdeorras».
Facendo referencia ademais á polémica xurdida porque a Denominación de Orixe Rueda podería querer plantar godello, incidía o alcalde «parece que todos están enfrontados pero a nosa historia apórtanos o potencial que temos».
Intervención completa de Alfredo García, alcalde do Barco de Valdeorras:
