Comeza a programación de actividades do Nadal do Concello de Viana do Bolo, neste caso falaremos dunha dedicada para os máis pequenos da casa.
O Concello ten preparadas multitude de actividades para estas datas. A Ludoteca de Nadal estará aberta desde o día 22 de decembro ata o 5 de xaneiro, desde as 10:00 ata as 14:00.
Pero antes da apertura, é momento da inscrición que se poderá facer desde o 12 ata o 19 de decembro no CIM de Viana.
Existe un límite de 50 prazas, por tanto, se hai máis solicitudes terase en conta unha serie de criterios para a elección:
- Que o/a menor estea empadroado/a en o Concello
- Ter unha previsión de asistir a todas as xornadas
- A familia atópese nalgunha das circunstancias acollidas no Artigo 6 da Resolución do 20 de abril do 2023 da Secretaría Xeral de Igualdade.
Para a boa xestión deste espazo, pídese ás familias que sexan puntuais na hora da recollida. Tamén que os familiares non entren aos espazos destinados para a actividade.
Algo moi importante, é que os menores non entren con dispositivos electrónicos de ningún tipo e que acudan con roupa e calzado cómodo.
Se se necesita máis información sobre este evento, o Concello facilitou un documento con todas as normas a seguir.
