Pepe Fernández observando los restos de unas vasijas romanas que se hallaban en el lagar
De izquierda a derecha: Iván Rodríguez, Pepe Fernández y Mario Yáñez
Iván Rodríguez, Pepe Fernández y Mario Yáñez en la cima del lagar
Patricia Lamela, alcaldesa de Larouco dando unas explicaciones sobre el lagar
Mario Yáñez, persona que descubrió el lagar y Pepe Fernández, Presidente de la sección de arqueología del IEV
Pepe Fernández, Presidente de la sección de arqueología del IEV
Lagar das Penelas
Lagar das Penelas
Mario Yáñez y Patricia Lamela escuchando las explicaciones de Pepe Fernández
Patricia Lamela escuchando las explicaciones de Pepe Fernández
Patricia Lamela escuchando muestra los restos de vasijas encontrados en el lagar
Fai unhas tres semanas, Mario Yáñez, veciño de Larouco que paseaba por Cabeza Vella descubría un lagar romano. Non era o primeiro que atopaba pero o anterior era de menor tamaño. «Atopei o da miña viña e empecei a dar unha volta polo monte e fixeime neste reborde, deime conta que estaba á beira doutro lagar impresionante», afirmaba.
«Os lagares tiñan cerámica dentro, entón dinos que desde a época romana non se utilizan. Sabemos que son primitivos, era de prensar co pé porque non hai marca ao redor. Todos os restos servían para abonar as viñas, facían o mosto e o levaban», explicaba José Fernández, presidente da sección arqueolóxica do IEV, ao lembrar que se estima que é desa época debido a que «a finais do século IV, principios do V facía falta o viño e o pan para misar».
Esta riqueza —Lagar das Penelas— será sinalizada e incluída na Ruta Romana do Viño para que os visitantes poidan gozar dos xacementos que acolle o municipio. «A ruta pasaba por aquí, imos sinalizar os xacementos e todo o interese cultural que temos; as igrexas, os lagares, o Castrillón…Toda a Ruta Romana do Viño engloba todos os restos arqueolóxicos», destacaba a alcaldesa do concello, Patricia Lamela.
Trátase dun roteiro circular que ten como punto de partida a igrexa do concello, pero conta cun ramal que leva aos andarins ata O Castrillón, pero deben dar volta e enlazar cos lagares. «Sobes por Cabeza Vella e baixas a Freixido; ao palomar, a cabeza grande de Freixido. Imos poñer en valor cinco covas que aínda non están óptimas para visitar en Freixido, e baixamos pola aula da Natureza. Despois sóbese polo Canal do Mondón ata Seadur, desde alí sóbese a Falcoeira e volve baixar á igrexa», comentaba a alcaldesa.
José Fernández non quixo perder a oportunidade para lembrar que quen descubriu o Canal do Mondón foi o topógrafo da Rúa, Paco Delgado, no ano 1977. «Foi o que topografiou a traída da auga e viu por unha canle romana. Foi ata Portomourisco e A Portela sen traballo ningún, o trazado da canle estaba todo feito», concluía.
