Este domingo 20 de xullo marcou o día grande das festas patronais de Seadur, unha celebración moi esperada na parroquia de Larouco que honra a Santa Mariña, a súa patroa. A xornada comezou moi cedo, con toda a devoción e tradición que caracteriza a esta festividade.
A mañá iniciouse coa saída da procesión desde a igrexa, un acto que congregou a numerosos veciños e visitantes que quixeron acompañar a Santa Mariña na súa andaina polas rúas do pobo. A procesión foi acompañada pola charanga Charangaiteiros que amenizou o percorrido con música en vivo. Tras a procesión, tivo lugar a misa, un momento de oración e reflexión para os devotos, que pedían protección para os campos e as súas colleitas.
Un dos momentos máis especiais foi a saída da cruz, seguida polos estandartes, a Santa e os numerosos fieles e devotos que participaron na comitiva. A Santa, a quen se lle pide protección para as terras e as colleitas, levaba colgado do brazo un racimo de uvas, símbolo da tradición vitivinícola de Seadur, famoso polos seus viños e covas. Este detalle reflicte a importancia que a agricultura e a viticultura teñen na economía e na cultura da zona.
Despois da procesión, a festa continuou na praza coa charanga Charangaiteiros que regresou para ofrecer unha sesión vermú que animou a toda a xente a bailar e disfrutar do día en compañía. A música en vivo e o ambiente festivo foron o broche perfecto para unha xornada que mestura tradición e cultura.
Antes, a festa comezara o venres 18 con unha gran verbena a cargo do grupo Master, que puxo a música e o ritmo para que todos os asistentes se puxeran a bailar e a gozar da noite. O sábado 19 tamén foi un día de celebración, con actividades variadas, entre elas unha cea popular que reuniu a toda a vecindade nun momento de convivencia e festa.
