Dar a coñecer o Camiño de Santiago e mailo Camiño de Inverno, dende moi cativos. Este foi o principal obxectivo da actividade que realizaron dende o colexio Ramón Otero Pedrayo de Viloira. Esta iniciativa enmárcase no Programa Vexo Veo Xacobeo.
Cando alumnado de primeiro e segundo chegaron o mosteiro atopáronse cunha «sorpresa», como eles mesmos relatan. Un contacontos e músico estábaos esperando para pasar un rato moi ameno.
«Estivemos falando e participando no Camiño de Inverno. Camiñamos 10 quilómetros e a verdade e que o fixeron xenial», asegura Gemma Delgado, profesora de educación física.
Algo moi curiosos é que «nos atopamos cun peregrino de verdade, estivemos falando con el un montón de cousas. Foi moi interesante», explica a docente. Durante esta charla «ensinoulles a credencial, contoulles que fixera varios camiños e explicoulles como era un albergue».
Despois desta charla, moitos dos alumnos animáronse a «querer realizalo, porque lles explicou que había tramos pequenos para nenos da súa idade e que o podían facer con algún papá ou un profe atrevido», comenta entre risas Gemma.
