Un incendio rexistrado na noite deste xoves nunha adega da zona do Aguillón, na A Rúa, mobilizou a diferentes efectivos de emerxencia despois de que ardese unha lona de plástico sen que se rexistrasen danos persoais.
O lume declarouse arredor das 21.00 horas e provocou unha intensa columna de fume negro que podía verse desde distintos puntos da localidade, xerando certa curiosidade entre os veciños da zona.
Ata o lugar desprazáronse efectivos de Protección Civil da Rúa, GES Valdeorras e bombeiros, ademais dunha brigada dos bombeiros forestais do Distrito XIII, que colaboraron nas tarefas de control e extinción do incendio.
A rápida intervención dos servizos de emerxencia permitiu controlar a situación sen que houbera que lamentar feridos nin danos persoais. As causas do incendio non transcenderon polo momento.
