O concurso de cabazas foi outro dos protagonistas desta celebración que cada ano ten maior implantación
Os mércores, 30 de outubro, véspera de Samaín as rúas das localidades da comarca enchéronse de disfraces de bruxas, pantasmas ou momias a hora da ida ós colexios. Esta tradición de orixe anglosaxona cada vez ten máis pegada na forma de vivir o derradeiro día do mes de outubro.
Os colexios enchéronse de disfraces e de cabazas decoradas e raro foi o que non incluíu no menú comidas terroríficas.
A Alberguería protagonista no Samaín no colexio da Veiga
Na Veiga pasárono en grande celebrando o Samaín. «Fixemos disfraces, scaperoom, trouxeron cabazas e basoiras decoradas, fixemos un cementerio coas nosas lápidas, un obradoiro de cociña no que elaboramos o menú especial de samaín, e rematamos con lectura de microrrelatos de terror», sinalaba Javier Álvarez, director do CEIP Eduardo Ávila Bustillo.
E coma non hai
concurso sen premio no centro educativo da Veiga entregáronse agasallos á mellor
lápida, mellor cabaza, á cabaza máis grande, á basoira máis orixinal e o mellor
microrrelato.
«Este ano todo xirou en torno ao pobo da Alberguería que quedou asolagado polo embalse. O cemiterio era da Alberguería e a Scaperoom tiña como fío condutor a catástrofe da Alberguería no ano 1958, na que a pantasma da Alberguería lles contaba a historia e os guiaba por conexión telefónica a través dun distorsionador de voz para atopar as pistas que os conduciría ao exterior da sala», resaltaba o director.
O menú do comedor estivo composto por entrante de hojaldritos araña, de primeiro prato ollos de zombie —feitos con ovos recheos— e momias, elaboradas con salchichas e masa de hojaldre. O segundo prato foron vermes con lombrices —arroz con gulas e tinta negra de calamar—. E, de sobremesa, biscoito de cabaza, arañas oreo e teas de araña.«A nosa cociñeira gastounos unha broma. Púxonos en todos os pratos vermes de verdade «El Molitor», que se comercializan agora nalgúns supermercados. E todos se atreveron a comelos pese á primeira impresión que foi terrible» subliñou Javier Álvarez.
Máis de 300 cabazas decoraron os corredores do Julio Gurriarán
Como xa é tradición no colexio Julio Gurriarán do Barco celebrouse o certame de cabazas. Máis de trescentas cabazas se presentaron, pese a non ser competitivo, feitas polos rapaces e as súas familias. «É un certame participativo no que hai verdadeiras obras de arte e logo outras máis modestas, pero para nos todas teñen o mesmo valor. A participación dos nenos é grandísima, a implicación das familias tamén, co cal queremos agradecer a ambos o traballo que teñen levado», aseguraba Nacho Hermida, xefe de estudos do centro educativo do Barco.
A mañá na biblioteca tiveron un contacontos de medo na biblioteca interpretado pola profesora e conversadora de inglés Alice no que un gato imaxinario foi o protagonistas. Logo a ANPA Aturuxo trouxo ao salón de actos ó Mago Guti e para rematar baile de disfraces.
Festas terroríficas
e túnel do medo no CEIP Condesa de Fenosa
Infantil e primeiro ciclo tiveron pola tarde unha festa «terrorifica» en diferentes espazos do colexio, que como nos contaba Modesto Rodríguez coordinador dos actos de Samaín, xa é unha tradición dentro do CEIP Condesa de Fenosa. Terceiro e cuarto de primaria asistiron a unha película de terror. Os rapaces e rapazas do terceiro ciclo prepararon un túnel d terror polo que pasaron os nenos de primaria que quixeron, os de infantil non participaron nesta actividade porque son moi cativos. «Os nenos que non lle gusta este día teñen espazo libre de medo que está creado para eles», aclara Modesto.
As cabazas traídas desde o luns polos nenos estiveron expostas nos corredores do centro educativo polo que discorreron os nenos disfrazados.
Xantar terrórifico no Otero Pedrayo de Viloira
Despois de elaborar e «zampar» una comida monstruosa composta de: Galletas con grandes dentes, escobas de bruxa, petisco de paté de araña, mans ensanguentadas cheas de pombiñas de millo e un montón de comida terrorífica viron unha película de moito medo. Tamén houbo concurso de cabazas e moitos desfraces.
O colexio Pablo VI Fátima substituíu os monstros por santos
No colexio relixioso
da Rúa, Pablo VI Fátima, celebraron «HolyWins», o que traducido sería máis ou
menos os santos gañan. Unha alternativa ao Halloween na que os protagonistas
son os santos. Xa o pasado ano se optou por esta temática daquela fixeran unha
exposición de topónimos haxiográficos, é dicir, pobos que teñen no seu nome o
dun santo chegando á conclusións de que Galicia é a comunidade autónoma
española que ten máis topónimos deste tipo.
Os máis pequenos del colexio, pola contra, celebraron un Samaín terroríficamente divertido. «El colegio se ha llenado de monstruos, vampiros, esqueletos, brujas y demás terroríficos personajes, dispuestos a pasar un "día de muerte"», segundo informan desde o propio centro.
Xincana
monstruosas no CEIP Virxe do Camiño de Rubiá
No colexio de Rubiá, CEIP Virxe do Camiño fixeron unha «comida terrorífica» e unha xincana monstruosa na que participaron e colaboraron as familias dos rapaces.
Exposición de cabazas feitas polo alumnado e tamén de escobas. Para rematar chocolate con churros para todos os asistentes.
Cociñeiros de «monstrosidades»
no colexio de Vilariño de Conso
Vestidos de bruxas, esqueletes e momias os nenos e nenas do colexio San Martiño de Vilariño adicaron a mañá do mércores 30 de novembro a cociñar «terroríficas galletas» que logo comeron antes de marchar para a casa.
