viernes. 29.03.2024
portada_somoscomarca_vilamartin_mulleresportela_castrovoces_cantarosreis_navidad_2022 (5)
As mulleres de Portela cantan Os Reis recuperando unha tradición cun Melchor moi especial

Os que temos unha idade recordamos o día 5 como o día do aguinaldo, de cantar os reis e de pasar o día de troula cos veciños.

As mulleres rurais de Portela en Vilamartín quixeron recuperar a maxia dese día e compartir os seus cantos cas persoas da residencia de Valdegodos e cos propios veciños. En Valdegodos foi o rei Melchor quen organizou o cotarro, un rei moi especial, o historiador Antonio Castro Voces.

somoscomarca_vilamartin_cantarosreis_navidad_2022 (2)
Antonio Castro Voces o «rei» do evento

Logo de cantar, rir e pasar unha tarde entretida, unha merenda nunha das salas comúns da residencia de maiores serviu para achegar se cabe aínda máis o espírito de Nadal e tamén recordar as vellas tradicións.

somoscomarca_vilamartin_cantarosreis_navidad_2022 (4)

As mulleres de Portela, veuse que quedaron con ganas de troula así que cando chegaron ao pobo pandeireta en ristre recorreron as rúas cantando as panxoliñas.

Bo día e aguinaldo!

Así comezaba a mañá do 5 de xaneiro hai xa moitos anos, era o día de gañar o aguinaldo. Iso si, se ías un pouco tarde ou llo gañabas ao tío Sesito ou a madriña dicíanche aquelo de «xa mexei!», pero ti sabias que llo gañaras.

Pola tarde collías unha pandeireta, unha botella de anís, unhas cunchas ou o que tiveras para facer algo de ruído e a cantar os reis. Se che daban algo, un sorriso e unhas grazas e se non aquel cantar: «Cantámosche os reises guedellos de cabra, cantámosche os reis e non nos das nada». E así até que se cansaban de ouvirche e che soltaban un peso.

somoscomarca_vilamartin_cantarosreis_navidad_2022 (3)
Cantando os reis polas rúas de Portela (Vilamartín)

Eran outros tempos e outras tradicións que en días como hoxe é bo recordar.

As mulleres de Portela cantan Os Reis recuperando unha tradición cun Melchor moi especial