Arrincan os traballos para o cambio de comportas na presa Santiago Sil - Xares
08 de agosto de 2024 (19:38 h.)
Este xoves 8 de agosto xa estivo cortado o paso e volverá estalo mañá venres dende as 9:00 até 14:00 horas
Nesta mañá de xoves 8 de agosto estivo pechado o paso pola presa Santiago Sil - Xares, en Valencia do Sil (Vilamartín) dende as 9:00 até as 14:00 horas. Un peche que se repetirá mañá venres no mesmo horario.
O motivo é o arranque dos traballos para o cambio das comportas da devandita presa. Están mobilizadas, polo de agora, dúas grúas de gran tonelaxe.
Estes traballos chegan despois da rotura da comporta central do embalse hai dous anos.