O incendio comezou pasadas ás 17.00 horas, do martes 19 de marzo. Foi o propietario da vivenda quen se puxo en contacto co servizo de emerxencia 112 Galicia explicando que «hai moitas cousas e está moi preto das casas», informaba.
Desde o Centro Integrado de Emerxencias de Galicia, CIAE 112, os xestores daban aviso a Bombeiros da Rúa, GES da Veiga. Garda Civil e Protección Civil do Bolo que se achegaron a Valdanta, parroquia do concello do Bolo.
No momento de redactar a nova estase a enfriar a zoa onde se prendeu o lume. A edificación estaba reformada e na planta baixa a topábanse a caldeira e o depósito de gasoil que quedaron calcinados. Na parte alta había almacenado mobles, roupa e diversos aparellos que tamén arderon.
Da palleira segundo puido saber Somos Comarca quedaron as vigas e pouco máis. Iso si, non houbo que lamentar danos persoais.
