Moita artesania de aquí na feira do Porto da Barca

A primeira feira de artesanía de produtos  tradicionais do Porto da Barca e a rúa Real, enche de vida as rúas máis ancestrais do Barco. A os obradoiros de coiro, pintura, madeira, barro e elaboración de queixos uníronse artesáns da zona que mostran como fan os seus artigos e produtos. Tamén atopamos as protectoras de cans e gatos da comarca, Peludines Valdeorras e Patrulla Felina.

Falamos con Guti quen nos contou que ía animar as rúas cos seus malabares e que tamén estaría O Mago Teto coa súa maxia. No Porto da Barca Iván Valle invitounos a pasar até Viloira nunca barca atada a un alame que puidemos mover cas mans, superdivertido!

Seguimos rúa Real arriba onde Christian Pombo, Spoombini, mostra en vivo como realizar unha culler de madeira o un bolígrafo, mentres que en Malas Hierbas podemos mercar produtos de cosmética naturais feitas coas plantas que a maioría da xente considera que son malas. En Amarelante mercar castañas secas ou fariña de castaña coa que fan a rica bica, que tamén podes levar para casa.

Mel o Marquesado mel artesán, propóleo, cremas para mans pero tamén meles doutros puntos de España. O licor de laranxa, de café picante, de café tradicional, de café descafeinado herbas, limón e cereixas está no posto de Barbudos.

O aceite de Lar de Terrasnovais está feito con oliva arbequina, picual, ojiblanca e a autóctona das Terras de Quiroga. Un aceite dunha acidez de 0,12 e un pouco picante.

Marifé de Trapalladas Artesanía amosa e vende artigos en coiro feitos por ela e tamén artesanía do mundo en bolsos, bisutería e roupa.  En Morna atopamos xoias de prata feitas a man e personalizadas, Personalizadas tamén son as cousiñas que borda Alfazema.  As creacións con flores secas e preservadas son cousa de Francisco que fai con mimo e a man centros de flores en Arte Floral Amodiño. Pompitas amosa o seu traballo artístico que podes mercar: láminas, obxectos feitos en arcilla polimérica...

Se queres percorrer con nos a feira, no seguinte vídeo amosámoscho.

A feira estará aberta de 17.00 a 21.00 horas, sábado e domingo poderá visitarse de 12 a 14 horas, pola mañá, e de 17 a 21horas pola tarde.

Os visitantes que realicen compras nas casetas partiparán nun sorteo de 4 vales de 50 euros cada un, para gastar en establecementos asociados ao Centro Comercial Aberto do Barco. Na feira contarase coa animación musical da charanga “Amanecer”, así como as actuacións de Guti Malabarista e o Mago Teto.