Hoxe celebrouse no Salón de Actos do Edificio Multiusos do Concello do Barco a clausura do Obradoiro dual de Emprego Valdeorras Embelece II, dun ano de duración.
A subvención concedida para este proxecto foi de 503.987 euros, o que permitiu a formación de 20 alumnos-traballadores durante un período de 12 meses, dos que 17 recibiron esta mañá o diploma de participación, ao non rematar tres a formación por diferentes circunstancias.
Na clausura celebrada este mañá estiveron presentes, ademais dos alumnos traballadores, os profesores e persoal administrativo, os alcaldes dos tres municipios que colaboran neste proxecto, Alfredo García, alcalde do Barco, Enrique Barreiro, de Vilamartín, e Raquel Bautista, de Petín, e o xefe territorial da Consellería de Promoción do Emprego e Benestar, Yago Borrajo Sánchez .
Os catro coincidiron en calificar de “moi satisfatoria” esta acción formativa, e tamén en alabar moi positivamente o traballo desenvolvido durante os últimos doce meses polos participantes no obradoiro, tanto alumnos como profesores.
Asimismo, mostraron no seu desexo de que as 17 persoas que hoxe recibiron o seu diploma acreditativo da formación recibida “atopen un traballo que lles satisfaga, acorde co aprendido neste obradoiro”. Dos 17 alumnos que recibiron o seu diploma, todos eles residentes no Barco, Vilamartín e Petín, 10 corresponden ao módulo de actividades auxiliares en viveiros, xardíns e centros de xardinería, e 7 ao de traballos de carpintería e moble.
De acordo co proxecto, no municipio do Barco de Valdeorras realizáronse traballos de acondicionamento de zonas axardinadas no núcleo do Barco, bancos de madeira, valado de parques infantís e cobre contedores.
En Vilamartín de Valdeorras o obradoiro realizou tarefas de acondicionamento das zonas axardinadas na contorna do Bañadoiro, valado de parques infantís, plantación de árbores froiteiras e de sombra, bancos de madeira, cobre contedores e poda en xardíns de diversos núcleos do municipio.
No Concello de Petín o obradoiro empregouse no acondicionamento das zonas axardinadas nas piscinas, o acondicionamento de zonas axardinadas na praza de Petín, plantación de árbores xunto ao muro do cemiterio de Petín, acondicionamento e valados de parques infantís, peche en praza da Portela, bancos de madeira e poda en xardíns de diversos núcleos do municipio.
O Barco de Valdeorras23.5 °Cnubes dispersas
