sábado. 02.07.2022

A Xunta ponse a disposición das empresas afectadas polo incendio de Cedie

O conselleiro de Economía, Empresa e Innovación, Francisco Conde, mantivo un encontro co  Alfredo García e trasladoulle o apoio da Administración autonómica para que as compañías poidan recuperar a súa actividade o antes posible

O vicepresidente segundo e conselleiro de Economía, Empresa e Innovación, Francisco Conde, mantén un encontro co alcalde do Barco de Valdeorras, Alfredo García. Santiago de Compostela, 01/03/22.
A Xunta ponse a disposición das empresas afectadas polo incendio de Cedie

O vicepresidente económico e conselleiro de Economía, Empresa e Innovación, Francisco Conde, mantivo hoxe un encontro en Santiago de Compostela co alcalde do Barco de Valdeorras, Alfredo García, no que lle trasladou o apoio da Xunta para que as empresas afectadas polo incendio que tivo lugar onte poidan recuperar a súa actividade o antes posible.

O vicepresidente económico avanzou o apoio da Xunta e sinalou que, aínda que agora deberán tomar parte as aseguradoras, as empresas teñen á súa disposición a carteira de recursos cos que conta a Administración galega, así como asesoramento en caso de ser necesario.

Ademais, na reunión Conde e o rexedor municipal abordaron vías de colaboración para dinamizar o tecido empresarial da localidade, que conta con sectores tan destacados como o da lousa.

A Xunta ponse a disposición das empresas afectadas polo incendio de Cedie