viernes. 30.09.2022

A Veiga estudia novas vías para a implantación de iniciativas empresariais na localidade

O alcalde da Veiga, Juan Anta, mantivo un encontro co vicepresidente económico e conselleiro de Economía, Empresa e Innovación, Francisco Conde, no que analizaron novas liñas de actuación conxunta
aveiga_juananta_xunta_25_02_2022
A Veiga estudia novas vías para a implantación de iniciativas empresariais na localidade

O alcalde da Veiga, Juan Anta, mantivo esta semana un encontro co vicepresidente económico e conselleiro de Economía, Empresa e Innovación, Francisco Conde, no que analizaron novas liñas de actuación conxunta para facilitar a implantación de iniciativas empresariais na localidade.

Na xuntanza Conde informou ao rexedor das diferentes convocatorias de apoio que a Xunta ten abertas neste momento e das cales se poden beneficiar as entidades locais, en ámbitos como o aforro e a eficiencia enerxética e as enerxías renovables.

Dentro das iniciativas coordinadas co Concello da Veiga, vén de poñerse en marcha o novo marketplace Sabores de Trevinca, impulsado polo Concello da Veiga cunha axuda da Vicepresidencia económica de máis de 40.000 euros a través do programa de apoios para a creación e lanzamento de plataformas dixitais que favorezan ao sector agroalimentario no medio rural. A través desta páxina web poden adquirirse xa produtos locais como as fabas lobas, mel, avelás e castañas de Trevinca.

O vicepresidente económico destacou que A Veiga conta co distintivo de Concello Emprendedor, sumándose así ao obxectivo da Xunta de poñer facilidades ao investimento empresarial para impulsar a reactivación económica e, polo tanto, ofrecer máis axilidade na tramitación administrativa, no acceso ao solo industrial e maiores incentivos fiscais.

O Goberno galego está a dar prioridade aos concellos adheridos a esta iniciativa impulsada en colaboración coa Federación Galega de Municipios e Provincias (Fegamp) a través de diversas liñas de axudas destinadas a impulsar o emprendemento e a dinamización económica. Para iso, establece nestas axudas, que están a ser convocadas en réxime de concorrencia competitiva, un criterio específico.

A Veiga estudia novas vías para a implantación de iniciativas empresariais na localidade