martes. 04.10.2022

Os clústeres da madeira, a lousa e o granito avalían vías para impulsar os materiais

O vicepresidente económico, Francisco Conde, mantivo un encontro cos representantes das organizacións para buscar sinerxías na utilidade destes productos 
Os clústeres da madeira, a lousa e o granito avalían vías para impulsar os materiais

O vicepresidente económico e conselleiro de Economía, Empresa e Innovación, Francisco Conde, acompañado polo director da Axencia Galega da Industria Forestal —Xera—, Ignacio Lema, mantivo un encontro con representantes dos clústeres do granito, da lousa e da madeira e do deseño co obxectivo de avaliar novas vías de colaboración para impulsar a utilización de forma conxunta destes materiais autóctonos e naturais.

Na xuntanza estudáronse diferentes vías para buscar sinerxías entre estes sectores industriais estratéxicos para Galicia, en eidos como a construción, poñendo en valor na sociedade a súa calidade, deseño, innovación e sustentabilidade.

Na reunión, o Goberno galego trasladou aos representantes das agrupacións empresariais o seu compromiso coa industria da madeira, a lousa e o granito, e con todas aquelas iniciativas que fomenten a súa competitividade, produtividade e posicionamento dentro e fóra de Galicia, favorecendo ao mesmo tempo a creación e consolidación de postos de traballo, así como a xeración de oportunidades no rural.

Os clústeres da madeira, a lousa e o granito avalían vías para impulsar os materiais