Ameazaba choiva e esta fixo acto de presenza pero non puido ca forza do Entroido Vianés.
Os boteiros fixeron soar as esquilas, os folións empuñaron bombos e aixadas e as comparsas coas súas carrozas tomaron posición para saír dunha en unha desde O Toural para rematar ca derradeira actuación preto da praza de María Pita non sen antes baixar pola rúa San Roque os protagonistas do Domingo Gordo.
Ate vinte folións fixeron acto de presenza nas rúas vianesas. O primeiro en saír foi o de Cabo da Vila, escolleu a temática circense para a súa carroza, na quen non faltaron xaulas para as feras, pallasos, e todo o que ten que ver coa actividade circense, espectacular sen dúbida. O derradeiro o de Fradelo e antes o Fulión Alternativo que sen dúbida é o que fai sentir o Entroido en todo o seu esplendor, ademais o seu boteiro xigante feito de globos foiespectacular. E entre uns e os outros deixáronse ouvir os de Tameirón, Grixoá, Bembibre, Santa Mariña, Fornelos de Filloás, Punxeiro, Fornelos de Cova, Quintela de Hedroso, Quintela de Pando, Buxán, Vilaseco, As Carrelas, Os Arrieiros de Petín, Vilarmeao, Penouta Ramilo, A Veiga e Os Labregos de Trives.
Con retraso sobre o horario previsto, logo do desfile, celebrouse no pavillón e na carpa o xantar da XLVIII Festa da Androlla que xuntou a máis de 1500m comensais. No menú Consomé, androlla, chourizo, lacón con grelos e patacas, bica, café e queimada. Logo a tardiña actuación na Praza Maior do grupo Carapaus.
O luns será o día dos nenos con Fulión Infantil, xogos tradicionais, disfraces, música e chocolatada.
O Martes de Entroido, desfile de fulións, gran fariñada, cea de folións, queima dos Lardeiros, concurso de disfraces, discomóbil e baile.
O Mércores de Cinza, Enterro da Sardiña, que percorrera as rúa de Viana ata o Cabo da Vila e despois sardiñada popular e torrexas.ç