A Veiga, Carracedo da Serra, Vilamartín, Chandrexa de Queixa e Tameirón xunto co anfitrión, Petín participaron na xuntanza
Ca xuntanza de folións celebrada na tarde do 1 de febreiro comeza en Petín o Entroido. Cerca de 300 persoas —entre compoñentes dos folións e espectadores— reuníronse en Petín para dar o pistoletazo de saída ó Entroido.
Cada folión imprimindo o seu ritmo característico fixo soar os seus bombos, tamboriles, gadañas ou aixadas. O primeiro en saír e o máis numeroso foi o de Petín, 43 compoñentes. Carracedo da Serra seguiu a continuación, con dúas máscaras que correron polas rúas petinesas, en total 30 compoñentes.
A Veiga tamén estivo na xuntanza, con 26 compoñentes no seu folión. Botouse de menos o boi e a máscara cuxa característica é a de ter a careta tallada en madeira.
Os de Tameirón (A Gudiña) levaban un home cuberto con xestas que segundo el mesmo informou era o traxe que poñían os pastores para cubrirse da chuvia e do frío, en total asistiron 25. O máis significativo foi que o remate de cada compás batían os paus de tocar os bombos.
Chandrexa deixou ouvir o seu son tocado por máis de 20 persoas, encabezaban o folión tres meniños que daba gusto ver como tocaban os seus tamboriles. E cerrando o desfile Os Viticultores de Vilamartín, unha trintena de homes e mulleres que un ano máis dérono todo.
Os participantes desta xuntanza saíron do Toural para coller pola rúa da Ponte cara a rúa da Veiga e logo pola de Vilaboa. Pola travesía da rúa do Placer chegaron á praza da Veiguiña e seguiron pola rúa do Centro até chegar a igrexa e logo a praza Dr. Quiroga onde agardaba unha morea de xente para ver este espectáculo de son. Despois de facer unha parada colleron pola rúa Santiago para volver pola de Sobredo até chegar á praza de novo.
Cerca de tres horas percorrendo as rúas de Petín que remataron cunha merenda no Teleclub. Empanada, chourizo, salchichón, patacas, sándwichs, acompañado de cervexas, viño e refrescos para repor as forzar por xentileza do anfitrión, o Folión de Petín.
Vídeos dos folións
Folión de Petín
Folión de Carracedo da Serra
Folión da Veiga
Folión de Tameirón
Folión de Chandrexa
Folión Os Viticultores de Vilamartín
Folión da Veiga na praza Dr. Quiroga