O patio do castelo do Bolo acolleu na tarde do 15 de xullo o « II Festival no Castelo do Bolo», onde se lle rendeu homenaxe aos Rosales de Rianxo.
No acto presentado pola locutora de Onda Cero Radio Manola Porto, quen naceu en terras bolesas, actuou por primeira vez a Escola de Gaitas do Bolo. Os rapaces abriron e cerraron o festival acompañando a Real Banda de Gaitas da Deputación de Ourense.
Ademais actuaron a repentista Alba María, Os Rosales de Rianxo, o grupo de zanfonas da escola de gaitas da Deputación, as cantareiras da seitura de Lentellais, as escolas abertas de la secretaría xeral de emigración, Óscar Ibáñez e a Real Banda.
O remate de cada actuación as aves de Rapiñas do Salnés voaron ate o escenario para facer entrega o seu adestrador dun agasallo en forma de diploma para os artistas.
Sen dúbida o momento máis emotivo do festival foron as palabras de Maruxa —Os Rosales de Rianxo— quen agradeceu a homenaxe e quixo facer partícipe aos seu fillos e amigos do momento que estaba a vivir.
Os cantos de seitura tamén emocionaron aos presentes xa que as cantareiras de Lentellais fixeron recordar os momentos duros das segas e tamén rememorar o bos entre as amizades.
Cuba, Arxentina, Venezuela, Uruguai, Perú e Suíza tamén estiveron presentes no festival a través das Escolas Abertas da Secretaría Xeral de Emigración, formadas polos mestres nos seus respectivos colectivos.
A primeira actuación foi para o grupo de gaitas dirixidos por o mestre Oscar Ibáñez, logo incorporáronse as pandereteiras e cantareiras e por último o grupo de baile.
A anécdota, unha das aves de cetrería que en vez de ir a man do adestrador foi o sombreiro dunha rapaza da Real Banda que estaba no escenario.
Ao remate José Lois Foxo agradeceu o Concello do Bolo a súa acollida un ano máis. Manuel Corzo, alcalde do Bolo, tamén tivo unhas palabras de agradecemento para todos os presentes así coma para Foxo e a Deputación de Ourense, «den a súa axuda non se podería acer o festival»
Os nenos da escola de gaitas do Bolo puxeron o punto e final a este espéctaculo de música nun enclave único.