Farase no outono e detrás están profesionais do mundo do deporte
Patricia Lamela, alcaldesa de Larouco, non deixa pasar a ocasión para dinamizar o seu municipio. Ven de conseguir o transporte público unha vez a semana, durante o mes de agosto —recordar que durante os meses de verán non hai transporte debido a inactividade escolar— e xa está na organización dunha andaina. Queren realizala no outono e será «moi novidosa», en canto ó concepto e ó percorrido. É por iso que o vindeiro luns reunirase un equipo do Concello, con Lamela á cabeza, con responsables do mundo do deporte. Unha primeira toma de contacto para darlle forma a esta andaina «da que esperamos moito», asegura a alcaldesa.
En canto as andainas, sinalar que a pasada fin de semana, en concreto o sábado, un grupo de veciños e veciñas organizaron unha camiñada que os levou por San Martiño ata Tramunde. Desde alía á Falcueira, desde onde puideron contemplar as terras de Montefurado, Vilanuide, a presa de San Martiño e mesmo o Pico de Roblido. A volta foi polos Casares para ata Larouco, onde outro grupo de veciños estaban facendo a malla.
Mallar o centeo
Fancisco Javier Pérez
de Larouco e Carlos Sánchez de Freixido, organizaron por segundo ano a malla do
centeo. Estes dous veciños do Concello xunto con outras persoas plantan centeo
no monte desde hai anos para que coman os animais. O ano pasado decidiron
organizar un día dedicado a malla para que os que quixesen viran como se facía,
como parece que gustou a iniciativa, este ano continuaron coa demostración.
A malla consiste
en separar o grao da palla mediante
golpes. Co centeo obtido dedican unha parte para facer pan, e outra para volver
a plantar, se cabe aínda máis terreo. «O pan está moi bo», aseguran. Esta
sesión de malla permite os veciños entre os que se atopan os organizadores pasar o día xuntos, xa que despois da
demostración foron a comer, volveron a malla e logo a merendar.
Chocolatada para
todos os públicos
Tamén o sábado, ao redor das nove da noite un grupo de mulleres ofreceu unha «chocolatada» ós veciños. Trátase de mulleres de Larouco que obteñen ingresos a través da venda de chaveiros, camisetas e outros obxectos de artesanía para ofrecer este chocolate o 8 de setembro, festividade da Nosa Sra. dos Remedios patroa de Larouco. Como este ano os ingresos foron «moi ben» decidiron facer unha chocolatada tamén o sábado con motivo da andaina e da malla.
E non so iso,
senón que tamén pintaron as caras dos cativos e fixeron xogos nos que
participaron nenos e maiores.
Fotos cedidas