E a terceira vez
que se realiza esta actividade na que os protagonistas son os nenos que durante
todo o verán desfrutan desta praza.
Cerca de quiñentos asistentes e corenta e cinco nenos participaron activamente nesta terceira edición «desfilar», na praza de Petín.
Actuou como
mestre de cerimonias Silvia Cuesta, ligada desde hai anos ao deporte e actividades
para as mulleres en Petín e como protagonistas os nenos de todo o Concello.
A primeira actuación foi a cargo das rapazas máis maiores quen deron paso os nenos e nenas vestidos cos seus disfraces favoritos. Logo unha posta en escena dun teatriño doutro grupo de nenos para, a continuación volver a desfilar. Neste caso as camisetas —pintadas por eles mesmos no Teleclub mentres adestraban— foron a indumentaria elixida. Y é como subliña unha das organizadoras que: «Ademais de estar un ratiño xuntos e facer este desfile, os nenos tamén conversan, xogan e están entretidos sen pensar nas maquiniñas».
Para rematar o desfile cada un elixiu a roupa que máis lles apeteceu, E, coma se de grandes modelos se tratase saudaron repetidas veces e despedíronse entre a aclamación do público.
Máis de 15 días de ensaios no Teleclub —entre as 20:30 e as 22:00 horas—deron moi bo froito e os rapaces e rapaces foron aplaudidos a rabiar polo público que enchía a praza. «Hai máis xente que no Santiago», dicía un dos asistentes. Pais, nais, avós, primos, tíos, veciños todos quixeron achegarse á praza para ver o espectáculo.
A iniciativa xurdiu no verán do 2016 cando un grupo de nais pensaron que ademais de xogar, os nenos podían realizar todos xuntos unha actividade. No proxecto non podía faltar a persoa que máis coñece a praza e, que sempre se presta a colaborar en todo o que sexa novas iniciativas e en por a vila en valor, Amancio Díaz. So se deixou de facer un ano, e foi precisamente cando por motivos persoais non estivo ese verán no municipio.