Unha das actividades máis esperadas do verán en Valdeorras son as rutas das covas. No caso de Vilamartín «estamos agraciados con dúas grandes», asegura a tenente alcalde do municipio, Sherezade Núñez.
A encargada de iniciar estas actividades será a de Arcos o 13 de xullo a partir das 20:00. As entradas pódense adquirir na Cafetería Makoki, A Horta de Fina e Mar e no Bar Chevalier.
O custo, no caso de adquirila de maneira anticipada, será de 18 euros. Si se compra no momento aumentará a 20 euros. Inclúe cunca conmemorativa, pinchos variados, pancetada, doces, refrescos e viño. Cabe destacar que hai unha capacidade limitada a 1000 persoas. A ruta estará amenizada polo grupo Abertal e DJ Isra. Ao remate da ruta DJ Tariro porá ritmo na praza da festa.
«Animo a todo o mundo a participar. Gastronomía, viño e música en moi poucos eventos se dan en Valdeorras», matiza Núñez. Ademais asegura que se poderá desfrutar «dun patrimonio arquitectónico como é o que temos».
