A sinatura do convenio no Pazo Provincial permitirá a mellora do campo de fútbol da Pobra de Trives por un importe de 500.000 euros. Desta totalidade a Xunta de Galicia e a Deputación achegan 450.000 euros, mentres que a contribución do Concello de Trives será de 50.000 euros.
Dende o equipo de goberno «reformulamos un proxecto antigo», segundo explica a alcaldesa, Patricia Domínguez, xa que estaba con prezos e medidas «desfasadas».
Por esta razón tomouse a decisión de requirir un novo proxecto que «sufragou o Concello». Con esta nova versión «pedimos reunións e remitimos escritos solicitando as necesidades de esta reparación».
Transcorridos «catro anos e moitas xuntanzas e plenos na Deputación, esta mellora é unha realidade», matiza Domínguez. A alcaldesa aproveita o momento para dar as grazas ao «grupo socialista da Deputación e todos os que votaron a favor». A maiores, fai especial fincapé en que dende o equipo de goberno «agradecemos moito esta colaboración, creemos que esta é a maneira de traballar», conclúe.
Pode escoitar a entrevista completa coa alcaldesa na seguinte ligazón:
