Ca bendición dos campos rematan os actos relixiosos da Ascensión en Rubiá.

Coa misa en honor a San Isidro e a procesión e bendición dos campos rematan os actos relixiosos das Festas da Ascensión en Rubiá.

Atrás quedan catro días festivos nesta localidade valdeorresa. Hai que destacar actos relixiosos peculiares como a procesión do domingo, 7 de maio onde a virxe deixa a capela, morada de todo o ano para estar durante o novenario e volver de novo o xoves propio da onomástica.

É un dos máis celebrados pola igrexa católica xunto ao Xoves Santo e o de Corpus Christi.  Di o refraneiro popular: «Tres días hai no ano que brilan máis que o sol, Xoves Santo, Corpus Christi e a Ascensión».

O venres outra procesión levou os runianenses polas rúas da vila, neste caso a imaxe que saiu foi a da Inmaculada.