miércoles. 09.07.2025

Jacinta Fernández, a "cantareira de Lentellais", falece aos 91 anos

somoscomarca_231227_realbanda_deputacion_obarco
Jacinta Fernández, a "cantareira de Lentellais", falece aos 91 anos

Jacinta Fernández, coñecida como a "cantareira de Lentellais", finou aos 91 anos, deixando un legado inestimable para a música e a tradición oral galega. Compositora de romances, creou unha copla sobre a pandemia da COVID-19, que presentou no certame de Serán de Seitura en Manzaneda e tamén no Festival Medieval do Castelo, no Bolo.

somoscomarca_20240727_manzaneda_serandaseitura (9)
Jacinta na edición do pasado ano do «Serán de Seitura» de Manzaneda

Xosé Lois Foxo, director da Real Banda de Gaitas da Deputación de Ourense, destacou a súa memoria prodixiosa e a súa entrega á música tradicional. "Sempre participaba nos concertos e actos organizados pola Real Banda", sinalou Foxo, quen lle dará o seu último adeus coa música da gaita, como mellor sabe.

V Festival Medieval Castelo do Bolo (25)
No IV Festival Medieval Castelo do Bolo

Jacinta foi unha das principais informantes do Cancioneiro Sociolingüístico das Terras do Bolo, contribuíndo á recuperación de cancións tradicionais que, co paso dos anos, corrían o risco de perderse. As súas melodías, que durante xeracións acompañaron as tarefas do campo, especialmente a sega e a seitura, seguen vivas grazas ao seu legado.

somoscomarca_obolo_festivaldemusicadocastelo_festival_semanasanta_2023 (18)
Agardando a saída ao escenario: Rogelio, Jacinta, Fiuca, Blandina

O funeral e o enterro celebraranse o sábado 8 de febreiro, ás cinco e media da tarde, no cemiterio parroquial de Lentellais.

Que a súa voz e a súa música perduren na memoria de todos.

 

Jacinta Fernández, a "cantareira de Lentellais", falece aos 91 anos