Variedade e diversidade para unhas festas nas que por primeira vez vanse solapar actos
O alcalde do Barco, Alfredo García; a concelleira de Cultura, Margarida Pizcueta e o concelleiro de Deportes, Aurentino Alonso; presentaron a programación das Festa Do Cristo. Comezarán o 13 de setembro e como novidade haberá unha «prefesta» a fin de semana anterior.
Cada vez falta menos. En apenas 15 días as rúas do Barco encheranse de festa debido á celebración do Cristo. O Concello, tras varios meses de traballo, xa presentou o programa oficial que chega cargado de novidades.
As orquestras serán o prato forte da semana. Haberá un grupo todos os días. Margarida Pizcueta, concelleira de Cultura, quixo destacar a actuación de Anacaona, a orquestra feminina máis emblemática de Cuba. «Había vinte anos que non se presentaba en España», subliñou. «Estou moi satisfeita que a orquestra da que formou parte Celia Cruz encha de sabor caribeño o oriente ourensá», asegurou este medio.
Este ano o Concello decidiu solapar actividades para que haxa
alternativas para todos os gustos. Así o explicou a concelleira que busca romper a dinámica
doutros anos, «porque hai suficiente afluencia de xente como para que haxa
varias actividades á vez».
Os que tamén
terán un papel importante nestas festas serán os máis pequenos. Para eles
haberá actividades practicamente todos os días por exemplo o Parque de Xogos.
O deporte é outro dos puntos fortes do programa e contará con novidades como o Descenso Turístico do Sil e o Descenso do Baixo Sil. Iso si, non faltará o tradicional Descenso do Sil en Piragua ou a Milla Urbana, dous dos eventos máis destacados das Festas do Cristo.
Respecto ó cartel
anunciador salientar que é obra de Mauro Docampo Gacio. O costumismo das festas
reflíctense de cheo no cartel, no que as calantornias ocupan o lugar máis
destacado. Non faltan os cabezudos, os piragüistas, os corredores da Milla ou
os gaiteiros. O pregoeiro deste ano Agustín González «Tinín» —presidente do ADAS— tamén se atopa na obra de Mauro.
Alfredo García, alcalde do Barco, pola súa banda sinalou que o tempo ten que axudar . «Si o tempo acompaña o éxito está garantido», destacou.
Si desea escuchar la entrevista completa a Margarida Pizcueta, Concelleira de Cultura, pinche en el siguiente enlace:
O Barco de Valdeorras16.9 °Calgo de nubes
