O Sil volveu recibir, como cada14 de setembro, aos aguerridos bañistas que se mergullan ano tras ano con puntualidade xermánica, nas súas augas. O potente son da bomba de palenque anuncia que os nadadores parten desde A Capitana ate a praia fluvial do Malecón. Comeza o día grande das Festas do Cristo.
Este ano a cita cas augas «máis frías» chegou a súa trixésima edición—30 anos desde que un grupo de rapaces que volvía para a casa decidiu espertar a cogorza mergullándose no Sil— e segundo o concelleiro de deportes foi na que a participación aumentou máis que considerablemente. Foron cerca de 60 as persoas que baixaron o río nadando,
Arturo «Careca» non se meteu na auga pero si estivo vendo como a súa familia, a que gañou o premio a máis numerosa si o facía. O que non faltou á cita foi o concelleiro de Deporte, Aurentino Alonso, os do club Peña Trevinca, ou o gañador da proba desde hai uns anos, Pablo Israel.
Amparo do Spinning Valdeorras foi a primeira muller en chegar a meta. Na categoría dos máis novos o primeiro en saír da auga foi Xián e a primeira Martina Aller. Non houbo disfraces nesta ocasión pero si un dos nadadores cun traxe de baño de Espiderman e, para el foi o premio.
O xamón co que se agasallaba ao club máis numeroso foi para o Clun ADAS Natación. O premio especial otorgouselle a un cadelo que nadou o Madrugón co seu amo.
O concelleiro de Deportes, Aurentino Alonso e a concelleira de Cultura, Margarida Pizcueta foron os encargados de entregar os premios e a técnico de deportes Kissy Torres, actuou de mestra de cerimonia.
Cun caldiño de verzas e o chocolate quentiño con churros rematou este Madrugón que este ano ao contrario do anterior fora dos máis quente foi dos máis fríos.
Se queres ver o vídeo dos premios, aquí o tes:
