A segunda xornada da Feira do Libro de O Barco transcorreu cunha mañá animada na zona alta do Malecón, á beira do Sil, na zona do Casino. As casetas recibiron a numerosos visitantes e curiosos que se achegaron a coñecer as novidades editoriais e a compartir un anaco de conversa cos autores presentes.
Entre eles, destacou a presenza do escritor Francisco Narla, quen asinou exemplares da súa obra El buen vasallo e preparouse para a charla-coloquio sobre narrativa actual que terá lugar esta tarde, ás 18.00 horas, no Teatro Lauro Olmo. Un encontro que promete mergullarnos nas verdades históricas e emocionais que percorren as súas páxinas, da man do autor de Assur.
A concelleira de Cultura, Margarida Pizcueta, tamén se deixou ver pola feira durante a mañá, paseando entre casetas e parando na do Concello, onde Diana Ramos, responsable da Oficina de Turismo, informaba ás persoas asistentes sobre a oferta cultural e de lecer da vila.
Desde o posto do Concello El concello repartían cerca de 500 exemplares da guía da flora e fauna urbana, froito de anos de traballo xunto a unha planta de acivro.
Programa da tarde – domingo 18
-
16.30 h – Amador Fonfría
-
17.00 h – Andrea Mic
-
17.30 h – Mercedes Barros
-
18.00 h – Charla-coloquio con Francisco Narla
-
19.00 h – Alba Mac
Resumo da xornada do sábado 17 de maio: libros, música e aventuras para os máis pequenos
O sábado arrancou cun ambiente festivo e cheo de cultura no Paseo do Malecón. A tradicional Feira do Libro ofreceu unha programación variada para todos os públicos. A mañá estivo amenizada polas actuacións de Silvia Penide, Sergio Borrajo e Julio Pérez, mentres que os máis pequenos puideron gozar da actividade Scape Room: O tesouro das Cantareiras, que se celebrou en dúas quendas, ás 13.30 h e ás 17.30 h.
Xa pola tarde, o escenario foi testemuña do paso de varios autores e artistas como Christian Barrio, Fernando Hernández, Carmen Malvi —directora de Cerci— e Miguel Rodríguez, que pechou a xornada cunha intervención chea de emoción e reflexión.
Unha fin de semana literaria que pon de manifesto que a cultura tamén é un motor de encontro e memoria en O Barco.
