Este ano no CEIP. Plurilingüe Condesa de Fenosa (O Barco de Valdeorras) tiveron unha temática moi especial para o Entroido. Todo o alumnado disfrazouse co nexo común dos Obxectivos de Desenvolvemento Sostible da Axenda 2030.
Deste xeito, o alumnado de infantil promovía unha alimentación saudable onde non falte as «tan necesarias froitas». O 1⁰ Ciclo reivindicaban o coidado da fauna terrestre e da biodiversidade que se está a pór en perigo nos últimos tempos.
Por outra banda, o alumnado de 2º Ciclo centrouse na vida submariña nos mares de plásticos que inundan os océanos. Os nenos e nenas de 5⁰ ían de superheroes da limpeza e a restauración dos ecosistemas. E os maiores de 6⁰ desfilaron defendendo o deporte coma un hábito saudable para todas as idades. Pechou o colorido desfile o tradicional folión de 4⁰ de Primaria.
O Barco de Valdeorras16.3 °Ccielo claro
