A poucos días da celebración da XVII do Certame Celtibérico «Memorial Gabino García» onde Manzaneda converterase na capital da gaita, Somos Comarca falou con Jose Luís Foxo, presidente da Real Banda de Gaitas da Deputación de Ourense que nos conta as súas impresións na previa desta gran cita.
SOMOS COMARCA: Este día 29, Manzaneda vai converter na capital internacional das gaitas...
JOSÉ LUIS FOXO: Manzaneda leva sendo desde fai tres décadas un referente da gaita, e este fin de semana vai ser ese gran evento, ese Certame Celtibérico. Comeza o sábado ás 22h. e prolóngase ata o día seguinte a partir das 11h onde a xente sobe ao punto máis alto de Galicia para escoitar o son máis galego, que é a gaita.
SC: Este Certame homenaxeará tamén a figura de Gabino García...
JLF: De fondo sempre estará esa figura emblemática que foi o Doutor , ao que lle dedicamos un monumento no campo de competicións. Sempre se fai unha ofrenda floral onde actuará a banda de gaitas de Manzaneda.
SC: Cal será o programa do evento?
JLF: O sábado 29 de xullo comeza ás 22h coa actuación das cantareiras da Real Banda de Gaitas, da Real xuvenil, pasará a continuación o grupo que vén desde Alemaña. Amenizarán a churruscada que organiza a Estación de Montaña. Ó día seguinte, estarán as distintas bandas a partir das 10h, despois vai haber un campionato de gaiteiros solistas e a interpretación conxunta do himno de Galicia
SC: ¿Por que seguides celebrando este Certame en Manzaneda?
JLF: Manzaneda é o único campo de competicións que existe en Europa, foi creado co apoio de Don Gabino fai xa trinta anos. Manzaneda é un referente no mundo das gaitas e queremos que o siga sendo. É un lugar de tradición, ten un encanto especial. E falando de tradición, vai estar por primeira vez o Folión de Buxán.
SC: Gustaríache lanzar algunha mensaxe?
JLF: Convidar a todo o mundo a Manzaneda porque se pasa unha xornada moi bonita, escoitando as gaitas, comendo polbo...e levando a merenda como se fixo tradicionalmente.
