En catro concellos gaña o PSdeG-PSOE, en catro o PP e nun empate a votos
Mentres que o PSdeG-PSOE gaña as Eleccións Xerais en A Rúa, O Barco, Petín e Vilamartín —concellos nos que ademais posúe as alcaldías—, o PP faino na Veiga, Carballeda, O Bolo e Rubiá. Larouco queda en terra de naide empatando a votos, 103 para cada un.
En canto ó número total de votos conqueridos, o PSdeG-PSOE gaña por máis de 200 o que supón un 1% do total do electorado.
Estes son os resultados en cifras:
En canto ós candidatos da comarca ó Congreso e ó Senado, dicir que Avelino García Ferradal queda fora do Congreso ó perder o Partido Popular un dos tres deputados. Miguel Bautista Carballo por outra banda, ten opcións a ser senador por ser o suplente do 1º elixido para esta cámara.
«Un resultado histórico na comarca de Valdeorras», asegura Bautista Carballo quen agarda que nas Municipais, dentro dun mes se mellore aínda máis estes números. «A maquinaria está engraxada e non nos vamos a parar. Vamos a por todas nas municipais», apostilla.
Para o que foi senador na lexislatura que acaba de rematar, Avelino García Ferradal, «os resultados non foron o que se perseguían. Non se lograron os obxectivos». Y é que, o Partido Popular pese a gañar na provincia de Ourense non logrou obter ese terceiro deputado que levaría ó Parlamento a Ferradal. «Unha vitoria agridoce. Valdeorras queda sen representación no Parlamento», resalta.
Sobre o seu futuro, García Ferradal apunta que, até o 20 de maio ten excedencia, logo reflexión e se o deixan, quere darse un tempo. Eso si, confirma que seguirá sendo o presidente d Partido Popular na Rúa