O mércores 18 de maio celebrouse a graduación no IES Cosme López da Rúa. Foron 26 alumnas e alumnos os que participaron na gala que puxo o punto e final a súa estadía no instituto.
O emotivo acto estivo conducido por Cutús Fernández Maseda, titora de 2º BAC quen ademais seleccionou a música e preparou todo o material audiovisual que se proxectou no salón de actos. As imaxes do paso dos graduados polo instituto removeron sentimentos encontrados, esbozaron sorrisos e tamén deron paso a melancolía.
No momento dos discursos, Carina, nai dun recente graduado, falou en nome das familias, narrou os paso polo instituto dos presente como proxenitora. Pilar Dorrío e Elías Esmerodes, alumnos, tomaron a palabra en representación do alumnado e Víctor Manuel Porto propio en representación do profesorado. Víctor foi profesor e titor de moitos dos alumnos de 2º BAC cando entraron no IES Cosme López, en 1º da ESO e outro titor en 1º de ESO foi José Luis, que se prexubilou o curso pasado.
Una vez rematada a cerimonia, tempo de inmortalizar o momento. Alumnos, familias e profesores, fixeron fotos no exterior para o recordo. Logo cea de celebración na que ademais dos recentes graduados asistiron algúns profes.
Parabéns na nova etapa que comezades!
