martes. 19.03.2024
somoscomarca_arua_festadocodillo2023 (15)
A Festa do Codillo da Rúa reuniu a máis de 1000 comensais con ganas de festa

Os rueses cumpriron ca súa festa gastronómica na que o codillo é o protagonista. Máis de 1000 persoas déronse cita no pavillón municipal do Aguillón para dar boa conta do saboroso manxar.

Pero, non só asistiu a xente da Rúa, tamén dos concellos veciños coma Vilamartín, O Barco, a Veiga, Larouco, Manzaneda, Petín, Rubiá ou Carballeda. Tamén de dentro e fora de Galicia os maís numerosos foron os veciños estremeños de Almendralejo cos que A Rúa está irmandado.

somoscomarca_arua_festadocodillo2023 (204)
Equipo que serviu o codillo

Unha nutrida representación desta cidade achegouse atá vila ruesa, entre os que se atopaba o seu alcalde, José María Rodríguez Morán.

somoscomarca_arua_festadocodillo2023 (131)
Álvaro Fernández, alcalde da Rúa e José María Rodríguez Morán, alcalde de Almendralejo

Alcaldes como o da Veiga, Larouco, San Xoán de Río, Vilamartín, e representantes da Xunta e da Deputación como Gabriel Alén ou Rosendo Fernández tamén asistiron á festa gastronómica.

somoscomarca_arua_festadocodillo2023 (135)
Patricia Lamela, Juan Anta, Xosé Miguel Péres, Rosendo Fernández, Gabriel Alén

Era a vixésimo cuarta edición e coma nas vintetrés anteriores no menú ademais do codillo púidose degustar un consomé con cachiños de pan fritido e logo os grelos, os cachelos, o chourizo. Viños de mencía e godello para acompañar a baixar a carne e bica con café e licores de sobremesa.

somoscomarca_arua_festadocodillo2023 (58)

A música correu da man da charanga NBA que deu a benvida aos asistentes e con Danzalia Disco Show bailouse ao remate.

somoscomarca_arua_festadocodillo2023 (179)

Os maiores homenaxeados, minutos antes no Centro Cultura Avenida estiveron presentes na comida. Entre as anécdotas a dunha parella, Fran e Mayra que se coñeceron na festa hai 20 anos e hoxe celebrábano emocionados e máis namorados se cabe.

somoscomarca_arua_festadocodillo2023 (89)
Fran y Mayra 20 codillos juntos

O Club deportivo Rúa fíxose cargo do bar para recadar fondos para o clube. Moitos rapaces e tamén xogadores do primeiro equipo non deixaron de asistir á festa.

somoscomarca_arua_festadocodillo2023 (33)
Luis en el bar del CD Rúa

Había moitas ganas de pasalo ben e xuntarse con veciños e amigos para pasar un ratiño agradable.

somoscomarca_arua_festadocodillo2023 (50)
Protección Civil e a Policía Local sentáronse á mesa despois do seu traballo

Se queres ver as galerías de fotos da afesta do codillo, preme aquí e tamén aquí, temos dúas.

 

A Festa do Codillo da Rúa reuniu a máis de 1000 comensais con ganas de pasalo ben