martes. 25.06.2024
somoscomarca_alyalma_alicialosada

Alicia Losada, coñecida artisticamente como ‘Aly Alma’ e con orixes en Quiroga por parte de nai, estará esta fin de semana de visita por estas terras con dous bolos programados nos que promete facer gozar ao público co seu proxecto Aly Alma Music de concertos en acústico.

Falamos dunha artista afincada e moi recoñecida en Cataluña –reside en Berga, Barcelona-- que pasa tamén por ser unha das mellores opcións para aqueles locais que queren ofrecer ao seu público experiencias de calidade, de música en vivo orgánica e moi elegante inspirada nas raíces da música afroamericana.

Nos seus directos traballa con cinco repertorios en diversos formatos e traballados cunha estética e conceptos moi definidos, que incluso teñen a vantaxe de poder adaptarse ao tipo de celebración: ceas-concerto, concertos, celebracións...

Para esta mini-xira que a trae á súa Quiroga de orixe, e á Rúa, Aly Alma ofrece un espectáculo no que, baixo o título “Violet Mood”, fará un tributo a artistas femininas como Tina Turner, Janis Joplin ou Amy Winehouse. O Show, como nos conta ela, estreouse o pasado mes de marzo en Barcelona coa intención de visibilizar a estas mulleres tan relevantes no panorama musical internacional.

Quiroga e A Rúa entre as poblacións elixidas

Este venres 26 de abril actuou no Restaurante Ruxe-Ruxe de Quiroga ás 22:30 h. nun evento que se presentou como cea-concerto e o sábado 27 ofrecerá un concerto na sala Bravo Lux da Rúa. Neste caso, o acústico será ás 20:00 h. na sesión de tardeos que adoita programar este establecemento ao longo do ano

Violet Mood, o show acústico de Aly Alma chega a Quiroga e A Rúa