Anunciouno José Luis Foxo durante o acto inaugural da exposición “Gaitas Primitivas” celebrado neste concello de Terras de Trives
O salón de actos de San Xoan de Río acollía onte á tarde, 15 de xullo, a inauguración da exposición “Gaitas Primitivas”, unha mostra de 16 pezas que nos permite coñecer a historia deste instrumento tan popular en Galicia e cuxa historia se reflicte nesta colección.
O director da Real Banda de Gaitas da Deputación de Ourense, José Luis Foxo, aproveitou o acto para anunciar que San Xoan de Río acollerá o vindeiro 2 de agosto un campionato de gaitas. «Participarán varios centros de todo o territorio español e tamén haberá cantos de seitura», subliñou. Confirmou que este ano non haberá festival celtibérico en Cabeza se Manzaneda e a reunión de gaiteiros trasládase a Río.
Os instrumentos expostos en San Xoan de Río proceden da Escola de Gaitas da Deputación de Ourense. «Son esas gaitas que deron orixe ás distintas variantes e formas morfolóxicas do instrumento que viven en Europa, desde o norte de Irlanda a Galicia», explica Xosé Luís Foxo, director da Real Banda de Gaitas de Ourense.
As súas orixes son pastoriles, xa que está composta pola pel de cabra —“gaita” en árabe— e unha frauta. «É curioso ver como en cada cultura ten un nome diferente». A través desta mostra, que como novidade é dixital e interactiva, poderemos coñecer a procedencia e tamén o son de cada instrumento. Esta dixitalización fíxose en tempo récord segundo informou Juan Carlos responsable da empresa responsable de realizar o código QR co que o visitante pode escoitar as explicacións a través dunha audioguía. A historia de cada gaita, o material co que estan feitas e incluso un vídeo no que se pode ver e escoitar o seu son na súa lugar de orixe, é algunha da información a que se pode acceder co teléfono.
Se queres ver o video no que Juan Carlos explica como usar o código QR e a información á que podemos acceder a traveso do móbil, dallé á ligazón:
A música foi protagonista durante esta presentación coa interpretación do Cancioneiro dá Seitura de Manzaneda e Terras de Trives a cargo da gaiteira Ari Pérez, acompañada por Digna de Vilanova e Fiuca de San Fiz, Blandina de Cotarós, Blandina de Cotarós escusou a súa presenza por temas familiares. Tamén interviron o director da Real Banda de Gaitas de Ourense, Xosé Luís Foxo; o alcalde de Manzaneda, Amable Fernández; Patricia Domínguez, alcaldesa de Trives; o alcalde de San Xoan de Río, Xosé Miguel Pérez e o vicepresidente da Deputación de Ourense, Rosendo Fernández.
A exposición estará aberta ata o próximo 15 de setembro en horario de 10 a 14 horas e de 16.30 a 19.30 horas. A fin de semana será necesario reservar a visita a través do concello.