Vídeo. Os Reis Magos chegaron a Petín en tren

Aínda que no concello de Petín non hai estación, nin xiquera vias, os reis chegaron nun tren moi especial, "O Chupitrén".  A comitiva partíu do concello ás 15:30 da tarde para percorrer os pobos do concello; Petin, Barxela, Sanpaio, Mones, Outeiro, Santa María, Porto, Carballal, Freixido, A Portela e Portomourisco, nos  cales foron recibidos con gran ledicia mentres que repartían lambetadas entre os mais novos e os seus maiores tamén. Ás 19:30 chegaban a Petín como parada final alí, realizaron un percorrido ó longo das rúas rematando na praza do concello onde foron recibidos por un grupo de pandereteiras e cantareiras que entoaban cantigas de nadal. Tras a súa chegada desprazáronse cara a casa da cultura onde procedeuse a representar, por parte dos nenos da localidade, o Belén vivinte e os reis comezaron a atender as peticións dalgúns nenos e a entregar os regalos a aqueles que xa lles escribiran unha carta con anterioridade.