Máis de duascentas persoas corearon o pasado sábado no Barco os éxitos de Fórmula V, Nino Bravo ou a Orquesta Mondragón, e non como un experimento de viaxe no tempo, se non como parte da celebración do Día das Pandillas. Este encontro protagonizou un ano máis a xornada de mañá do sábado das Festas do Cristo, nesta ocasión coa música interpretada por Los Íñigos. Eles puxeron a música e o tempo soleado, o entorno da beira do Sil e as gañas de celebración, puxeron o resto para a que foi unha sesión de guateque mañanero moi animada.
A inscripción previa reuniu a dez grupos de moi diferentes idades e procedencia, destacando por numerosas as pandillas das Casas Baratas e de Los Iris, que xa levan anos reuníndose polo Cristo e foron as pioneiras na creación desta convocatoria aberta a tódolos veciños. Tralo concerto, que puido disfrutar todo aquel que pasase polo Malecón, serviuse un catering para os inscritos con antelación baixo a sombra da beira do río, pechando así unha reunión que para as pandillas continuaría pola noite con mesa e mantel.