Esqueletos, pantasmas, vampiros sedentos de sangue, presidiarios fugados dalguha cárcere, bruxas facendo meigallos, e todos moi metidos no seu papel. Alumnos e mestres dos centros de ensinanza de Valdeorras, afanáronse no día de hoxe, 31 de outubro, en preparar a súa particular celebración do Samaín, cada cal máis terrorífica.
CEIP Otero Pedraio de Viloira
Os alumnos e alumnas do colexio Otero Pedrayo de Viloira luciron os seus disfraces de Samaín acompañados polo claustro de mestres. Na entrada do centro podíase ver una exposición de cabazas, de moi diversos deseños, feitas polos rapaces de tódolos cursos. Tamén disfrutaron no comedor, dunha «comida monstruosa» do máis orixinal.
CEIP Julio Gurriarán
Os alumnos do centro Julio Gurriaran participaban tamén do día do Samaín facendo a tradicional exposición de Cabazas decoradas, na que participaban ata 200 nenos e nenas do colexio. O colexio amanecía decorado con motivos referentes ao Samaín e os alumnos respostaban acudindo a clase con seus mellores disfraces de personaxes de medo. Durante a primeria hora da mañá, Allen, mestre de conversación inglesa de procedencia americana, desenrolou cos alumnos na biblioteca unha serie de actividades referentes ao Halloween americano nas que se incluiron cancións, bailes e contacontos coa mesma temática. Ao final da mañá o patio encheuse de rapaces dispostos a disfrutar dun baile de máscaras con música ata a hora de saída.
CEIP do Bolo
O colexio do Bolo decidía este ano levar a cabo un proxecto interdisciplinar traballando diferentes contidos curriculares a través de xogos de escape. Tres aulas eran escollidas como «Escape Rooms», unha para educación infantil, outra para os tres primeiros cursos de primaria e unha terceira para os de cuarto, quinto e sexto de primaria. Os alumnos, pechados en aulas polas bruxas que lles roubaran as larpeiradas, tiveron que superar trampas e acertixos para poder sair e entre todos recuperalas. Mentras os alumnos resolvían os enigmas as nais e pais xunto cun mestre, observaban a través dunha conexión via Skype como os seus fillos actuaban na resolución dos enigmas sin que eles souberan nada.
Por suposto tamén houbo no Bolo un concurso de cabazas elaboradas polo alumnado, un concurso de disfraces e un concurso de postres elaborados con moito esforzo e imaxinación.
CEIP Virxe do Camiño de Rubiá
En Rubiá fixeron unha exposición de cabazas nas que todos os nenos e nenas levaron un premio doado pola AMPA do colexio. Ademais da merendola típica na que participou toda a comunidade educativa: pais e nais, profesores e alumnos, tiveron uns obradoiros moi divertidos con nomes en inglés, que por algo é un colexio plurilingüe. Eu vou a dicilos en galego: retratos terroríficos, morde a mazá, a cabaza tragona, o globo flotante, carreira de pantasmas, sopra, sopra e volve a soprar, os chapeus da bruxa, patasmabolos e a telaraña, como vedes nomes ven terroríficos que fixeron os nenos pasar unha xornada moi divertida.
CEIP José Manuel Folla Respino de Vilamartín
En Vilamartín nenos e nenas celebraron a festa con un concurso de cabazas, decoraron as portas das aulas, fixeron murais e contaron historias de medo coas que fixeron un libro que, como cada ano, se incorporarase a biblioteca do centro. Non faltaron os bailes e larpeiradas propias desta data.
Gracias as comunidades educativas pola súa colaboración, sin elas non sería posible sacar esta publicación.
Fotos cedidas.