A alcaldesa da Rúa, María González Albert, presidiu a entrega das placas honoríficas dos homenaxeados da edición da X Festa do Codillo. Acompañouna no escenario do Centro Cultural Avenida, Carlos González, tenente alcalde de Almendralejo, localidade irmán de A Rúa que como cada ano visitan a vila nestas datas tan especiais. González agradeceu a agarimosa acollida coa que son recibidos en cada ocasión.
[df-caption title="" url="http://somoscomarca.es/wp-content/uploads/2017/01/somoscomarca_arua_homenaje_codillo_2017_01_28-4.jpg"]
A primeira mención de honra foi para Adrián Blanco Antelo, que con só trinta anos é o xogador de pádel galego mellor posicionado no ranking World Pádel Tour (WPT) , ocupando o posto 48. Actualmente, aínda que naceu na Rúa, vive, traballa e adestra en Castela e León, onde foi campión de comunidade, campión provincial de León durante cinco anos consecutivos e integrante da selección de Castela e León.
[df-caption title="Adrián coa súa familia despois da homenaxe" url="http://somoscomarca.es/wp-content/uploads/2017/01/somoscomarca_arua_homenaje_codillo_2017_01_28-5.jpg"]
Adrián recolleu a homenaxe cun discurso breve pero cheo de agradecementos a adestradores, familiares e amigos, facendo mención especial aos dous patrocinadores que ten na Rúa: "me hace mucha ilusión, estoy muy contento y llevo el nombre de mi pueblo a todos los lugares en los que juego".
[df-caption title="Familia de Luis Morillo " url="http://somoscomarca.es/wp-content/uploads/2017/01/somoscomarca_arua_homenaje_codillo_2017_01_28-7.jpg"]
Emilio Morillo, avó do segundo homenaxeado, Luís Morillo Díaz, subiu ao escenario visiblemente emocionado para agradecer o recoñecemento en nome do seu neto, que con tan só 19 anos é un gran tenista con unha gran traxectoria por diante. El non puido acudir ao evento porque en Tennessee, EEUU, onde recibe formación deportiva. Paragrafando palabras de Luís, Emilio Morillo dixo que "no debe considerarse un reconocimiento personal, sino un premio al deporte de esta villa. Todos los homenajes tienen su significado, pero si te lo concede el pueblo en el que naciste, el significado es especial y único".
[df-caption title="Mestras e directora do Manuel Respino da Rúa" url="http://somoscomarca.es/wp-content/uploads/2017/01/somoscomarca_arua_homenaje_codillo_2017_01_28-6.jpg"]
Por último, o CEIP Manuel Respino tamén recibiu a súa esperada homenaxe, que rememora os 50 anos do centro. Recolleu o galardón a directora, María Teresa Fernández Arias, que agradeceu a todo o persoal, antigos directores, profesores, pais e alumnos que fixeran dese colexio o que é hoxe: "xa imos coa terceira xeración de alumnos, incluso temos algún bisneto de aqueles primeiros fai 50 anos. A placa, colocarémola nun lugar de honra".
Tra-las homenaxes, a alcaldesa convidou a todos a dirixirse ao pavillón, onde comezaba a comida popular. Os 850 comensais degustaron máis de 1200 metades de codillo, acompañadas de chourizo, patacas, verdura e, como non, un viño pingadelo da Bodega Cooperativa de A Rúa Virxe das Viñas.
Despois do xantar, a festa continúa cos xa famosos cantos de taberna, que actúan nos establecementos hostaleiros da localidade.