A pesar das baixas temperaturas e ás brétemas constantes a xente visitou o mercadiño instalado na Rúa Doutor Vila
A localidade da Rúa acolleu o tradicional Mercadillo de Nadal onde se ofertaron diferentes produtos.
Un total de 8 foron os comercios que ofreceron o seu xénero aos habitantes da vila con gran variedade de produtos.
Desde produtos artesáns como pulseiras, colgantes ou xoguetes para os máis pequenos da casa, ata comestibles. Dentro destes últimos había desde queixo, pasando por Pan de Cea, diferentes tipos de pasteis, rosquillas, mel ou gofres e crepes recentemente feitos.
Ademáis hai instalado un pequeno parque para os máis cativos con peluches motorizados.
Durante a xornada, os comerciantes realizaron dous sorteos cos seus produtos para todos os clientes, un fíxose pola mañá e outro terá lugar antes do peche que será ás 21 horas.