Un circuito vixilado e informado por Protección Civil permitiu ir aos visitantes sempre na mesma dirección
A feira do mes na Rúa celebrouse despois de tres meses— a derradeira foi o 7 de marzo— e coas medidas de seguridade oportunas para evitar riscos e se gardara a distancia social.
Un circuíto permitiu que os visitantes percorreran o recinto na mesma dirección. A entrada por Telesforo Ojea marcaba o inicio que coroaba na praza Enriqueta Casanova para logo baixar pola rúa Padre Feijoó. Ademáis os postos só se atopaban a dereita da rúa co cal no era preciso cambiar dun lado o outro e así evitar ao máximo a aproximación entre a xente.
O Concello da Rúa puxo a disposición dos asistentes xel hidroalcoólico e mascarillas á entrada da rúa Telesforo Ojea que foron repartidas polos membros de Protección Civil da localidade. Estes tamén se encargaron de informar a os asistentes como debían circular e o que estaba ou non permitido. Ao carón do posto de churros nun cartel tamén se podían ver as normas de seguridade que había que cumprir.
«Todo o mundo está moi concienciado e usando a mascarilla», aseguraba o alcalde, Álvaro Fernández que se achaba mirando que todo se desenvolvese ben. «Fixemos un itinerario para que non haxa cruce de xente e nos postos observamos que se están gardando as distancias e fanse colas para atender a xente», explicaba.
No seguinte vídeo recadamos a opinión do alcalde da Rúa e de Lula Fidalgo asidua pulpeira á feira:
Case que unha trintena de postos entre os que se atopaban catro pulpeiros estratexicamente situados. Alimentación coma froita, froitos secos, encuridos, queixo, bacallau, chourizo, xamón e toda clase de carnes. A diferenza da de onte en Viloira aquí permitiuse o textil e os zapatos. Tamén puidemos observar a venda de plantas de temporada aínda que se botou de menos a Jovita, una muller que se pon no cruce das rúas Felgar e Telesforo Ojea, ao carón do Bar O Retorno e que vende as plantas do seus propios semilleiros: cebolín, pementos ou tomates.
Vídeos con opinión de pulpeiros, Protección Civil e o churreiro: