Este ano a Festa do Cabrito de Vilariño quedou limitada ás casas debido a pandemia da COVID-19
Este sábado de Entroido o Concello de Vilariño de Conso viviu a Festa do Cabrito máis estrana do total das súas 32 edicións debido ás limitacións provocadas pola COVID-19.
No 2021 a carne e os doces que conforman o menú non saiu do forno ás mesas colocadas no Pavillón Municipal de Vilariño, se non que marchou a cada unha das casas situadas nos 16 núcleos de poboación que conforman o municipio, sendo achegados con a través dos boteiros e de voluntarios de Protección Civil.
Dende o consistorio subliñaron que o evento e as datas do Entroido non poden caer no olvido, xa que se ben nunca pensaran en vivir estes tempos, a festa pódese realizar igual levando o prato casa por casa. «Por exemplo o xoves de conmadres foi raro, fixo frío, chovía e había néboa.Non se sentía o colorido, a alegría nin sonaban os bombos. Temos que tirar de recordos de outros anos».
Este evento tivo tamén moi boa acollida por parte dos veciños, xa que os que rexeitaron a participación foi por motivos de Saúde. Dende o Concello esperan que no 2022 pódase celebrar o evento de forma presencial para poder celebrar así o final da pandemia.
