«Queremos arranxar as rúas centrais de todos os pobos nesta lexislatura», este é un dos principais propósitos que ten o equipo de goberno de Vilamartín segundo explica o alcalde, Enrique Álvarez. Aínda que: «Non sei se seremos capaces».
O Mazo é a localidade que agora se atopa con estas obras, «estamos na segunda fase». As melloras céntranse en colocar canalizacións novas e nalgúns casos fíxose a colocación da corrente, telefonía e cambiáronse instalacións.
«Nesta nova fase non podemos arranxar o tema da corrente», asegura. O principal problema é o Río Leira. «Tería que ser por canalización e topámonos con Confederación», matiza. Por este motivo, están barrallando a opción de que sexa aérea.
Tal e como engade Álvarez hai pobos que fan reclamacións para ter estas melloras. «A nós gustaríanos que todos estiveran fantásticos, pero temos que se realistas». O presuposto do concello é un dos impedimentos.
Recorda que existe o Plan CooperOU que ten «axudas algo importantes». Dende o equipo de goberno queren ser máis «ambiciosos e conseguir» que a Deputación continúa coa inversión. Ao que engade: «Os concellos pequenos non chegamos para o mantemento de todos os pobos».
