Dentro da colaboración que veñen facendo dende hai meses os Concellos de Larouco e San Xoán de Río, esta fin de semana tocou viaxe de confraternización pola terra do Deza.
Un autobús cheo de xente dos dous municipios, en total 50 persoas, desprazábase este pasado domingo a Lalín, no mes pasado xa o fixeran unha viaxe en catamarán pola Ribeira Sacra.
En primeiro lugar visitaron o Pazo de Anzuxao, onde puideron ver o proceso de elaboración e comercialización do queixo. Tamén pasearon polos xardíns do pazo, unha xoia arquitectónica do século XVIII que ten capela propia, pombal e até un hórreo.
Xa en Lalín visita á Casa do Concello e a exposición sobre Castros celtas.Visita obrigada á Casa do Patrón, o museo etnográfico onde observaron vellos aparellos como gadañas, cornas, aixadas. Viron o proceso de fiado do liño, o xugo de xuncir os bois, alforxas...
Logo comida, un bo cocido ao que nos se lle faltou ao respecto, coa súa sopa, grelos, patacas, chourizo, lacón...
A Aldea restaurada de Doade, na Ribeira Sacra, un exemplo de dinamismo económico no rural.
